المشاريع والذاكرة

الهدف

تنظّم شغلك في مشاريع، كل مشروع بملفاته وتعليماته، وتفهم كيف تشتغل الذاكرة وكيف تتحكّم فيها.

الشرح

المحادثة الواحدة تنسى كل شي لما تفتح محادثة جديدة. المشروع (Project) يحل هذي المشكلة: مجلد يجمع محادثات متعلقة بموضوع واحد، ومعه ملفات وتعليمات ثابتة يقرأها كلود في كل محادثة داخل المشروع.

وش تحط في المشروع؟

1. التعليمات: مين أنت، وش هذا المشروع، وكيف تبي الردود. مثل التفضيلات لكن خاصة بهذا المشروع.
2. الملفات (المعرفة): قائمة الأسعار، دليل الهوية، نماذج سابقة، سياسة الإرجاع، أي شي يحتاجه كلود باستمرار.
3. المحادثات: كل محادثة تفتحها داخل المشروع تشوف التعليمات والملفات تلقائيًا.

مثال: مشروع «خدمة عملاء محل النجارة»

• التعليمات: «أنت موظف خدمة عملاء في مصنع فن وإبداع. ترد بأدب، باللهجة السعودية، وتعتمد الأسعار من الملف المرفق فقط. إذا ما عندك المعلومة قل (بتواصل معك الإدارة)».
• الملفات: قائمة الأسعار، أوقات الدوام، سياسة التوصيل.
• النتيجة: تلصق رسالة الزبون وتطلب ردًا، ويرد بشكل صحيح بدون ما تعيد الشرح.

الذاكرة

الذاكرة ميزة مختلفة: كلود يتذكّر معلومات من محادثاتك السابقة (شغلك، مشاريعك، تفضيلاتك) ويستخدمها في محادثات جديدة بدون ما تطلب. تقدر تشوف وش يتذكّره وتعدّله أو تحذفه من الإعدادات، وتقدر تطلب منه صراحة: «تذكّر إن…» أو «انسَ موضوع…».

وفيه البحث في المحادثات السابقة: تسأله «وش قررنا في موضوع السيرفر الأسبوع الماضي؟» فيبحث في محادثاتك ويرجع لك الجواب.

المشروع أم الذاكرة أم التفضيلات؟

خطوة بخطوة

1. من القائمة الجانبية: المشاريع ← مشروع جديد ← اسم واضح.
2. اكتب التعليمات (الدور + القواعد + المصادر المعتمدة).
3. ارفع الملفات الأساسية في «المعرفة».
4. افتح محادثة داخل المشروع وجرّب طلبًا قصيرًا.
5. راجع الذاكرة من الإعدادات واحذف أي شي ما تبيه.

برومبتات جاهزة

اكتب لي تعليمات مشروع جاهزة لمشروع اسمه «[اسم المشروع]». المشروع عن: [اشرح]. يجب أن تتضمن: دور كلود، القواعد، المصادر المعتمدة (الملفات المرفقة)، وش يسوّي عند نقص المعلومات، وأسلوب الرد.

تذكّر المعلومات التالية عني لاستخدامها في المحادثات القادمة: [اكتب ٣–٥ معلومات ثابتة].

أخطاء شائعة

• مشروع واحد لكل شي: يرجع نفس مشكلة المحادثة المخلوطة.
• رفع ملفات قديمة ونسيانها: حدّث قائمة الأسعار كل ما تغيّرت.
• الاعتماد على الذاكرة لمعلومات حرجة: الملف المرفق في المشروع أضمن من الذاكرة.

تمرين

أنشئ مشروعًا واحدًا من شغلك أو دراستك: اكتب تعليمات ٥ أسطر، وارفع ملفًا واحدًا على الأقل. افتح محادثة داخله واطلب طلبًا يحتاج معلومة من الملف. هل اعتمد عليه؟

الخلاصة

المشروع = مجلد بتعليمات وملفات ثابتة لموضوع واحد. الذاكرة = تفاصيل يتذكّرها كلود تلقائيًا ويمكنك التحكم فيها. الاثنين يخلّونك تكمّل من حيث وقفت.